पूजा पाठ।

पूजा पाठ।

**********

आज भोरहिं भोरहिं मोबाईल के घंटी बजल।सुतले हली।अंधुअयले मुँहें उठैली नंबरो न देखली केकर फोन हे।जैहहिं अपन आदत के हिसाब से हरि ओम् कैली ओने से आवाज आयल के ,बाबा,हम बोलैथियो गजोधर सुतले ह का!पहिले तो कुछ समझ में न आयल।फिर एकाबैक इयाद आयल अरे ई तो हमर बगलगीर गजेंदर जी के आवाज हे।इनका हमनी प्यार से गजोधर भाई कह ही।एने से फिर हमहूँ बोलली हाँ हाँ गजोधर भाई बोल का हाल चाल हे,कैसे कैसे इयाद कैल ई भिनसरे भिनसरे?का कोई विशेष बात हे का ,सब ठीक ठाक हौ न?ओने से गजोधर भाई ,अरे न न बाबा सब ठीक हे चिंता मत करूँ ।एगो काम हल एही से फोन कैली सबेरे सबेरे अपने के तकलीफ देली।देखली कि फिन दिन में अपनें से भेंट होयत कि तो न,हम तो जन न ही अपने के ,पूजा पाठ में निकल गेला पर कखनी आयब कोई ठेकान न रह हे।एही से सोंचली कि बाबा से एही घड़ी बतिया लेई।अच्छा बोल का बात हे।कौन काम ला फोन कैल हे गजोधर भाई।कुछ पूजा पाठ के बात हे कि आउ कुछ?न न बाबा आउ का रहत।पूजे पाठ ला कुछ बात करे के हल।अरे ऊ का हे न कि अपने तो जनबे कर ही हमर बड़का बेटा के जे दिल्ली रह हे।हाँ हाँ बोल न का होयल ओकरा सब ठीक है न?न न बाबा ऊ तो ठीके हे।ओकर एगो दोस्त है बड़ी पढ़ल लिखल ,बड़ी बड़का डागडर है ।अरे का कहब हे दिल्ली में ऊ जे बड़का अस्पतलिया है,जहाँ बड़ी दिन दिन पृर नंबर आव हे मरीज देखे ला अरे हाँ इयाद पड़ल एम्स ओही में ऊ काम कर हे।तब?अरे तब का बाबा एगो लड़की भी ओही में डगडरी कर हलै,देखे सुने में बड़ी बेस हलै।गोर नार बढ़िया हलै।ओही में दुनु मरीज देखैत देखैत एक दूसरो के देख लेलन आउ का।माने?अरे दुनु के परेम बियाह गेल बाबा।ओ अच्छा।ई तो बढ़िया बात हे।त एकरा ला तू काहे परेशान ह?न न बाबा हम परेशान काहे ला रहम।अरे ई में बात ऐसन होलै न बाबा कि दुनो मिलके एके घर में रहे लगलन।मेहारु मरद होइये गेलन त अब अलगे रहहूँ के न चही।बकि होलै का न कि लैकवा के दोसर अस्पताल म़े बदली हो गेलै।अब ओकरा तो जाय पडलै।पहिले दनु साथे हल त एके कार से अपन चल जा हल ओने से साथे चल भी आव हल।हलांकि हल दुनु दिलिये में।बकि लैकवा के तनि दूर पड़ हलै।ई लेल ऊ अपन मेहरारु से कहलक कि तोरो बदली करा देही ओनहीं।आउ उधरे एगो किराया के मकान ले लेब।ई मकान के छोड़ देब।ओने किराया भी कम लगत आउ साथे आबे जाय में भाड़ा के पैसा भी बचत।क्रमशः....।.